Episode 9: Fraktis Makes Ferpek

Tulad ng pinag-usapan, nagkita-kita ang mga loko sa ibabaw ng tulay na matatagpuan sa ending ng Ju-On the Grudge 2. At sa wakas, nakarating rin sa usapan sina Shikamaru at Sakura.
SHIKAMARU: (dala ang isang fried chicken) Oy sensya na, kahapon lang namin natanggap ni Sakura yung sulat. Eto nga pala yung manok. Saka lang namin napansin yung invitation nung nakatay na. Paano ba yan eh luto na?
PIKORI: No problemo. At least meron na tayong kakaining merienda!
(Biglang tumakbo papalapit si Naruto)
NARUTO: Penge ha! Gutom na gutom na ako eh. Bakit pa kasi ngayon ka lang dumating, Shikamaru? (hinugot yung paa ng manok)
SASUKE: Hay naku, Naruto, balak mo bang talunin si Choji sa pagiging patay gutom?
(Biglang nahiya si Kankuro na balak humingi kahit yung breasts lang. Natakot siya na baka sabihing patay-gutom rin siya tulad ni Naruto kaya kinontrol nalang niya ang kanyang sarili kahit atat na atat na rin siyang makikagat sa nilutong manok. Nilunok nalang niya ng paulit ulit ang laway niya para lang maibsan ang kanyang pagkatakam.)
TEMARI: Oy, Kankuro, okay ka lang ba dyan? Para kang constipated sa hitsura mo?
KANKURO: W-wala ito…
PIKORI: (nag-alok ng manok) Ayaw ninyo? Sayang… mukha pa namang Max Fried Chicken ang pagkaluto.
SAKURA: Pasensya na, nagda-diet kasi ako eh. Balita ko mataas raw ang cholesterol at calories niyan.
TEMARI: Tama ka dyan. Makakasira yan ng figure natin.
SHIKAMARU: Naalala ko tuloy si Choji. Tuwing naiisip ko yun, minsan ayoko nang kumain pa.
NARUTO: Sus, andami niyong satsat. Eh di akin nalang! (inagaw kay Pikori ang buong manok)
PIKORI: Di mo man lang tinanong kung kakain ako!!!
NARUTO: Ay hehe… sori… gusto mo?
PIKORI: Ayoko na! Nawalan na ako ng gana. Nagtatampo na ako!
NARUTO: Sus eto naman ang OA. Eh di wag!!! Walang hihingi! (munch munch)
(Tumalikod si Kankuro upang wag tignan ang takam na takam na kulugo dahil lalo lang siyang maglalaway)
PIKORI: Bahala ka dyan mag-isa kang matamaan ng BIRD FLU!!!
(Biglang nabulunan si Naruto at aksidenteng nahulog niya ang fried chicken mula sa tulay. Guminhawa ng kaunti si Kankuro sa kanyang narinig)
NARUTO: Ba’t di mo sinabi agad?!
SAKURA: Pero tingin ko wala naman ata sa atin nun.
NARUTO: Naku eh sayang naman yun! (hinahanap-hanap ang nahulog na manok) Kasi naman si Pikori, ambilis manakot!
PIKORI: Eh natakot naman!
(Maya-maya dumating si Lee na may wasak na fried chicken sa ulo)
SAKURA: Late ka na Lee, kanina pa kami andito. Buti nalang at di pa kami nagsisimula.
LEE: Ang sama kasi ng araw ko. Nasubsob ako kanina sa kanal, hinabol ng aso, naubusan ng agahan, tapos nawalan pa ng tubig sa amin, natrapik pa ako… pero sa kabila ng lahat napakabuti pa rin ng Diyos sa akin sapagkat hinulugan niya ako ng fried chicken sa langit. Alam talaga niyang gutum na gutom na ako! (sabay nguya ng mga tira-tira sa buhok)
(Makikihingi sana si Naruto pero nang maalala niyang nasubsob sa kanal at di pa naliligo itong si Rock Lee ay hinayaan nalang niya itong angkinin at enjoying mag-isa ang lutong manok)
PIKORI: Okay, pwede na nating simulan uli ang meeting. Ano nang balak ninyo sa inyong performance?
SHIKAMARU: Magsosolo nalang din ako tulad ni Kankuro. (humiga sa tulay habang nanonood ng ulap) Shadow play nalang ang akin.
SAKURA: Magsosolo din kaya ako?
PIKORI: Pwede ka mag-declamation, speech o kaya solo acting…
SAKURA: Naku, di ako magaling sa bagay na yan.
PIKORI: Eh kung sumayaw ka nalang kaya.
SAKURA: Ako mag-isa sa harap? Mas lalong ayoko nun! Nakakahiya kaya yun!
NARUTO: Oo nga, di kami papayag na gumawa ng kahiya-hiyang performance si Sakura!
LEE: Tama! Di nga kami papayag nun.
SASUKE: Eh bakit hindi? Hindi naman siya siguro pangit sa tingin ni Gaara.
SAKURA: Sasuke naman!
NARUTO: Isa ka pa Sasuke, eh kung ikaw kaya ang pasayawin namin sa harap ni Gaara?
PIKORI: Relax nga kayo. Kung umarte kayo parang pinag-iistrip dance si Sakura eh! Marami namang ibang sayaw dyan tulad ng Kechup, Chocolatte, Papaya, Macarena…
SAKURA: Ah basta hinde!!!
PIKORI: Pok dance…
SAKURA: Anong pok dance??!!
PIKORI: Ay folk pala, hehe…
SHIKAMARU: Di ko talaga maimagine si Sakura na nakatapis.
SAKURA: (sinipa si Shika) Tumigil ka nga!
SHIKAMARU: Aray! Magkarate demo ka na nga lang.
SAKURA: Napagdesisyunan ko na. Mag-eemcee nalang ako. Oha! Wala pa sa inyo nakakaisip niyan noh?
NARUTO: Antalino mo talaga Sakura!
LEE: Oo nga, you’re da best!
SAKURA: Talaga!
PIKORI: Okay, is dat your final decision?
SAKURA: Oo naman noh!
PIKORI: Okay, mga pipz, eto na ang huling hatol…
Sakura - emcee
Kankuro – puppet show
Shikamaru – shadow play
Temari, Sasuke, Lee – music video
Pikori – song number
Naruto – solo performance
Sa mga magsosolo, bahala na kayo sa buhay ninyo kung anong gusto niyong gawing mga stunts ha! At para mas exciting, maghahanda din tayo ng isang play.
SHIKAMARU: Ano?!
LEE: Okay yan, mas maraming activities mas masaya. Siguradong matutuwa ng husto si Gaara niyan.
PIKORI: Dali mamili kayo ng isang storya dito. (nilabas ang compilation ng mga Fiery Tales of Granny Goose)

*Table of Contents*
Little Red Robin Hood
Moldilocks and the Three Eggs
Cinderetta
Frog Prince (feat. Kero Keroppi)
Black Beauty and the Beast
Coal Black and the Seven Giants
Chaka and the Beanstalker
Tambolina
Robin Hudas
Sourface
Sleeping Bote
The Swangit Princess
Crumpledstiltskin
Crapunzel

SHIKAMARU: Meron ba talagang ganyang mga kwento?
PIKORI: Oo, millennium edition pa nga ito.
NARUTO: Frog Prince ang gusto ko!
KANKURO: Basta ikaw yung palaka.
SAKURA: At si Sasuke ang prinsipe!
TEMARI: Baka nakakalimutan mo Sakura, ang palaka ang hahalikan mo.
SAKURA: Wag na nga lang yan! Sleeping Bote nalang. (sa isip) Para ako ang prinsesa at si Sasuke ang prinsipe… tapos… (blushes)
NARUTO: Pwede ba ako nalang yung prinsipe?
SAKURA: (binatukan si Naruto) Ano ba Naruto!!! Don’t burst my bubble!
NARUTO: Aray… Nagsusuggest lang naman ako ah.
SHIKAMARU: Kailangan tama lang ang bilang ng characters.
TEMARI: Mas maganda kung romantic ang istorya!
LEE: Tapos may halong action and adventure! (nagsisipa at nagkakarate sa hangin)
SASUKE: Robin Hudas?! Mukhang madugas naman ang isang ito.
KANKURO: Wala akong mapili.
SHIKAMARU: Kahit nga ako wala rin.
PIKORI: Kung gusto niyo Cinderetta nalang.
SAKU+TEMA: Okay sa amin yun.
NARUTO: Sinong gusto ng Frog Prince, itaas ang kamay… (tinaas pati ang buong braso sa ere ngunit walang pumansin ni isa sa nangangarap maging prinsipe ng mga palaka)
LEE: Kahit anong sabihin ninyo okay lang sa akin. Basta pagbubutihin ko ang role ko.
PIKORI: Okay, wala nang tututol. Approved na ito…
(Nagkaroon ng pagpupulong ang mga cast ng palabas. Ilang beses ring nakipag-agawan ng role si Temari kay Sakura para sa role ni Cinderetta. Dahil mas maraming fans itong si Sakura, agad naman siyang napiling gumanap para sa bidang babae. Dahil sa pagiging kontrabida, si Temari naman ang bumagsak sa role bilang isang stepsister. Si Naruto ay nakipag-away rin para sa role ng prinsipe ngunit dahil mas pinili ng marami si Sasuke ay wala na itong magawa kundi tanggapin ang masaklap na katotohanan. Kilig na kilig naman si Sakura sa naging resulta ng botohan para sa mga characters. Sina Temari, Shikamaru, Kankuro, at Naruto ang mga bwisit na bwisit pagkat di nila matanggap ang kanilang mga roles sa gaganaping play. Ineexpect pa naman nila na mabibigyan sila ng better roles ngunit sadyang masaklap ang kanilang kapalaran sa mundo ng Fool House.)

*Cast of Characters*
Sakura as Cinderetta
Shikamaru & Temari as Evil Stepsistahs
Kankuro as Evil Stepmama
Sasuke as Prince
Naruto as alalay ng prinsipe
Lee as kutsero
Pikori as Fairygodmama and Fairytaler

(Patuloy sila sa pag-eensayo ng mga sumunod na araw habang si Kisame ay walang ginawa kundi magbantay kay Gaara na pikon na pikon na sa kanyang guranging babysitter habang wala rin naman siyang kamalay-malay sa magaganap na mga kababalaghan sa kanyang kaarawan)

*****

Sa susunod na kabanata…
Magbibinata na si Gaara. Ano kaya ang mga nakahandang sorpresa sa kanyang kaarawan? Wag palalampasin ang final episode ng Fool House!

Next Episode: Happy Birthday, Gaara!